無良裝修師傅 / 無良裝修公司
全屋剛新裝修幾個月，坐廁內咸水喉爆左，半個廳都係水，現在無縫地版谷晒出來， 最慘水氣製打吾著，全屋蘇頭用吾到，馬上CALL 裝修師傅因有3年保修，點知佢幫我換左喉之后就話，先等一星期開抽濕機，之后再打水氣製。最終都係打吾著。我再CALL 師傳問佢點算? 佢話吾關佢事，因坐廁我自已買，幫我換喉已經好好人。 但坐廁係佢帶我番大陸買，重收我錢先安裝，加上全屋所有櫃/裝修都係佢做, 好正常我會問佢啦. 不過最終我都沒氣再講。 索性自己找專業電工來修理，點知一檢，電箱內駁錯線，修好后一組蘇頭用得，另一組有問題。所以一定要找出過濾駁電箱放邊度，所以又CALL無良師傅，我請求佢幫手來家裹找出位置，佢只係大概咁講, 叫我自己再找人回來，佢吾會再理件事。 好慘。。好慘。。。。因為無正確位置, 我要起左D地版先搵到個箱. 宜家我重找緊其他師傅幫手。 我好想告訴大家知這公司叫 金星工程公司 / 鄭先生 / 觀塘成業街， 附上這廣告給你們， 他長期於星期六睇樓王打廣告, 記得不要用這公司，否則日后有排擔心。記緊報價平係無用，（埋單時總數不平）
以下是他們的多宗罪。
1) 大房牆身多處裂痕由1吋-５吋不等, 而且谷出來, 叫佢黎睇下, 佢介了一塊出黎話唔關佢事, 係本身由大廈牆身裂出來. 最攪笑佢又丞認做牆身師傅本身係做電，吾係做開批灰油油。咁好明顯地係佢地問題，但係尾數錢我又比晒。 最終我沒有選擇自己再補油！
2) 門鎖有點鬆， 點知上個月關門鎖時，竟然門外鎖頭成個轉左出來，最終又要自己搵專業師傅修理。
3) 衣櫃門明明要白色玻璃，最終來了綠色玻璃， 佢又話大陸無。 我又算數！
4) 衣櫃門關好后吾貼邊，角邊重有差不多成吋空位，佢話因為D 木有彎， 所以無計修吾到。
5) 門口做鞋櫃時， 又無計算打開時有大門鎖頂住， 所以開吾到90度角， 櫃內層版拉吾到出來。 最終要將門版改細。
6) 廚櫃門又係相同問題， 因有石油氣錶頂住， 所以又開吾到90度角。
7) 窗台雲石裂開， 佢地照樣用。
8） 牆身油全部吾平均， 就連幾十歲有老花既阿媽都看到。
9） 廁所有3塊磚，2塊裂， 1塊崩.
10） 廁所／ 地台沒夠斜度。 （ 否則個廳吾使濕晒咁大鑊！！）
11） 最不能原諒，看箱內既電線，竟然駁到錯晒。昨天電工師傅話， 駁線既人應該拿去 “人度毀滅”，因為係極度危險。
以上是我親身經歷， 如果任何綱友看到這 "裝修血淚史" ， 請轉發給正在裝修 或 打算裝修的朋友。 希望你們可一傳十， 十傳百。 備免這些害群之馬再在香港裝修界害人害物。
|
